ព្រឹកថ្ងៃនេះ សម្តេចតេជោ ហ៊ុន សែន អញ្ជើញជួបសំណេះសំណាល ជាមួយមន្ត្រីរាជការមកពីបណ្តាក្រសួង-ស្ថាប័ននានា ជិត៣០០០នាក់ នៅកោះពេជ្រ

(ភ្នំពេញ)៖ នៅព្រឹកថ្ងៃទី៣០ ខែមីនា ឆ្នាំ២០១៧នេះ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា អញ្ជើញជួបសំណេះសំណាលជាមួយ មន្ត្រីរាជការដែលអញ្ជើញមកពីក្រសួង ស្ថាប័នផ្សេងៗ ដូចជាក្រសួងសេដ្ឋកិច្ច និងហិរញ្ញវត្ថុ ក្រសួងរៀបចំដែនដី នគរូបនីយកម្ម និងសំណង់ និងក្រសួងការបរទេស សរុបជិត៣០០០នាក់ ដែលរៀបចំឡើងនៅសាលសន្និបាត កោះពេជ្រ។

ក្នុងពិធីសំណោះសំណាលនោះ ក៏មានការអញ្ជើញចូលរួមពីមន្ត្រីជាន់ខ្ពស់នៃរាជរដ្ឋាភិបាលកម្ពុជា ថ្នាក់ឧបនាយករដ្ឋមន្ត្រី ទេសរដ្ឋមន្ត្រី រដ្ឋមន្ត្រី  និងមន្ត្រីពាក់ព័ន្ធជាច្រើននាក់ទៀត ហើយការជួបសំណេះសំណាលនេះ ធ្វើដើម្បីសាកសួរសុខទុក្ខ ចំពោះមន្ត្រីរាជការ មុនបុណ្យចូលឆ្នាំថ្មី ប្រពៃណីជាតិ ដែលនឹងចូលមកដល់ នាពេលដ៏ខ្លីខាងមុខនេះ៕

រក្សាសិទ្ធិដោយ Phnom Penh Fresh
ប្រភព៖ Fresh New

ឯកឧត្តមបណ្ឌិត ម៉ិញ បានកុសល ប្រធានសមាគមសិស្ស និស្សិត បញ្ញវន្តក្មេងវត្ត ​ចុះសួរ​សុខទុក្ខ និងសំណេះសំណាលជាមួយសិស្ស និស្សិត.....!

នៅថ្ងៃទី២៩ខែមីនាឆ្នាំ២០១៧ ឯកឧត្តមបណ្ឌិត ម៉ិញ បានកុសល ប្រធានសមាគមសិស្ស និស្សិត បញ្ញវន្តក្មេងវត្ត ព្រមទាំងអនុប្រធាន អគ្គលេខាធិការ និងក្រុមការងារ បាន​អញ្ជើញចុះសួរ​សុខទុក្ខ និងសំណេះសំណាលជាមួយព្រះសង្ឃ នឹងសិស្ស និស្សិត យាយជី តាជីដែលគង់នឹងស្នាក់នៅដើម្បីបន្តការសិក្សាក្នុងវត្តលង្កាកុសុមារាម ក្នុងឱកាសនោះផងដែរ ឯកឧត្តមបណ្ឌិត បានពាំនូវអង្ករ នឹងកង់ដែលជាអំណោយដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន ទៅប្រគេន និងចែកជូនព្រះសង្ឃ សិស្ស និស្សិតដែលកំពុងគង់ នឹងស្នាក់នៅវត្តស្ថិតក្នុងសង្កាត់បឹងកេងកង១ ខ័ណ្ឌ ចំការមន រាជធានីភ្នំពេញដើម្បីដោះស្រាយទុក្ខលំបាកផងដែរ ។​  ជាមួយនេះគ្នានេះដែរ ឯកឧត្តមបណ្ឌិត ក៏ប្រកាសថា្នក់ដឹកនាំសាខាសមាគមប្រចាំវត្តលង្កកាព្រះកុសុមារាម ព្រមទាំងបាននាំយកអំណោយដ៏ថ្លៃថ្លារបស់សម្តេចតេជោ និងសម្តេចកិត្តិព្រឹទ្ធបណ្ឌិតទៅឧបត្ថម្ភប្រគេនជូនព្រះសង្ឃ នូវអង្ករចំនួន១០០០គីឡូក្រាម ថវិកាចំនួន១៩០០០០០រៀល ជូនដូនជីតាជី២៧នាក់ ក្រណាត់សមួយដុំ និងថវិកា ១០០០០រៀល ក្នុង១នាក់ ជូននិស្សិតចំនួន១២៤នាក់ក្នុង ម្នាក់ទទួលបានអង្ករចំនួន២៥គីឡូក្រាម និងថវិកា១០០០០រៀល ជូននិស្សិតចំនួន៥នាក់ខ្វះមធ្យោបាយក្នុងម្នាក់ទទួលបានកង់មួយ ។

 

 រក្សាសិទ្ធិដោយ​ Phnom Penh Fresh\

ពត៌មានជាក់លាក់​